البآرحه
البآرحه مريت والسوق مزحوم
من كثرة الاجواد مدري علامه
لقيت فيه العآلم اتدوج وتحوم
وابو شنب عينه بسود اللثآمه
كلن ع طرد المزايين مهموم
أتقول سوق طيبه صآير دوامه
وأنا دخلت السوق بأقضيلي لزوم
بعلمك قبل العتب والملامه
نآوي ابشري عقآل وافصل هدوم
واشري عمامه غير هذي العمامه
وفجأه وانا مشغول في مكاسر القوم
الا وعيني بعين ضبي العدامه
بنت جميله زينهآ زين مرسوم
في عينهآ فآرس مجرد حسامه
مرت بجمبي والحشا شبه معدوم
ومن قبل لا تمشي عطتني ابتسآمه
ورآحت مع السآيق وانا اطيح واقوم
ودي اعرف اللي ذبحني غرامه
وسئلت سايقها ولا جاب لي علوم
قلت ( الـمـهآ ) وش اسمهآ ي هلامه
ويهز راسه يقول مافيه معلوم
جديد يعرف بس بآبه ومآمه
واشوفها تضحك وانا حيل مصدوم
بالحب انا مبطي قليل فهامه
ورديت لا كاسب ولا مفصل هدوم
مدري رداة الحـظ ولا الغشآمه
